៥ យ៉ាង ដែលជាតម្លៃ និងការរស់នៅរបស់មនុស្សប្រកបដោយសេចក្តីថ្លៃថ្នូរ
ជីវិត សំ. បា. ( ន. ) ដំណើររស់នៅ, អាយុ : ចិញ្ចឹមជីវិត, រស់នៅអស់មួយជីវិត ។
ភាពឧត្តុង្គឧត្តមរបស់មនុស្សបានមកពីការស្គាល់តម្លៃខ្លួនឯង និងតម្លៃរបស់អ្នកដែលរស់នៅជុំវិញខ្លួន ហើយតម្លៃនោះមាននៅក្នុងជម្រៅចិត្តគំនិតរបស់បុគ្គលម្នាក់ៗ។ តម្លៃធំបំផុតរបស់មនុស្ស គឺជីវិតរស់នៅប៉ុន្ដែត្រូវរស់នៅប្រកបដោយសេចក្ដីថ្លៃថ្នូរ កិត្តិយស និងភាពសុខដុមរមនា ក្នុងឧត្តមភាពនៃមនុស្ស។ តម្លៃរបស់មនុស្ស និងការរស់នៅរបស់មនុស្សប្រកបដោយសេចក្តីថ្លៃថ្នូរ គឺត្រូវមានរបស់ប្រាំយ៉ាង៖
១. មនុស្សត្រូវមានសំលៀកបំពាក់សមរម្យ និងចំណីអាហារគ្រប់គ្រាន់។
២. មនុស្សត្រូវមានជម្រកសមរម្យ ពោលគឺត្រូវមានផ្ទះសម្បែងរស់នៅសមរម្យ។
៣. មនុស្សត្រូវមានថ្នាំសង្កូវសម្រាប់ព្យាបាលពេលមានជំងឺ ពោលគឺត្រូវមានវិស័យសុខាភិបាល ដែលធានាក្នុងការការពារសុខភាពប្រជាជន។
៤. មនុស្សត្រូវទទួលបានការសិក្សា និងបណ្តុះបណ្តាលទាំងផ្នែកសីលធម៌ និងវិជ្ជាជីវៈ។
៥. មនុស្សត្រូវមានការងារធ្វើ ពីព្រោះការងារជាប្រភពចំណូល និងជាប្រភពនៃការបញ្ចេញកម្លាំងពលកម្មដើម្បីសុខភាព ព្រមទាំងជាប្រភពនៃការរីកលូតលាស់របស់មនុស្ស។
មនុស្សម្នាក់ៗមានតម្លៃ គឺផ្តើមចេញពីសមត្ថភាពនៃគំនិតបញ្ញា សីលធម៌ គុណធម៌ សុចរិតធម៌ យុត្តិធម៌ និងការរៀបចំជីវិតក្នុងមាគ៌ាត្រឹមត្រូវ មិនមែនផ្ដើមពីការមានបានផ្នែកសម្ភារៈ ទ្រព្យសម្បត្តិ បុណ្យស័ក្កិឡើយ។
អត្ថបទទាក់ទង