គន្លឹះសំខាន់ៗចំនួន ៨ ក្នុងការសរសេរផែនការយុទ្ធសាស្ត្រអាជីវកម្ម
យុទ្ធសាស្ត្រ គឺសំដៅលើការរៀបចំផែនការក្នុងការធ្វើអ្វីមួយ។ នេះមានន័យថា ជាសំណុំនៃផែនការ ដើម្បីរៀបចំគម្រោងក្នុងគោលបំណងអ្វីមួយ ដើម្បីសម្រេចទិសដៅ។ ឧទាហរណ៍៖ បង្កើតយុទ្ធសាស្ត្រឡើង ក្នុងគោលបំណងដើម្បីអនុវត្តឲ្យទទួលបានភាពជោគជ័យ។
និយាយអំពីភារកិច្ចសរសេរផែនការយុទ្ធសាស្ត្រអាជីវកម្ម ហាក់ដូចជាកិច្ចការធំដ៏គួរឲ្យខ្លាចមួយ ប៉ុន្តែការសរសេរបានល្អងាយធ្វើឡើងបាន ប្រសិនយើងចេះគិតចំណុចសំខាន់ៗនីមួយៗឲ្យច្បាស់។
ការសរសេរផែនការយុទ្ធសាស្ត្រ ពាក់ព័ន្ធនឹងការសម្រេចចិត្តអភិវឌ្ឍគ្រោងដ៏ល្អមួយ។ អ្នកនិពន្ធផែនការ គួរតែធ្វើការជាមួយមនុស្សមួយចំនួនតូចនៅពេលសរសេរផែនការនេះ។ ការទទួលបានការឯកភាពពីគណៈកម្មាធិការសម្រាប់ការប្រើពាក្យ គឺជាការពិបាក ដូច្នេះវាជាការប្រសើរដែលមានមនុស្សតិចតួចដែលត្រូវបានចាត់ចូលក្រុម។
យើងក៏អាចស្វែងរកជំនួយពីខាងក្រៅដែរ (អ្នកជំនាញ) ប៉ុន្តែការងារសរសេរគួរតែស្ថិតនៅជាសម្ងាត់ក្នុងក្រុមហ៊ុនល្អជាង។ អ្នកពិគ្រោះយោបល់ អាចផ្តល់យោបល់អំពីខ្លឹមសារ អំពីភាពច្បាស់លាស់ និងបច្ចេកទេស ប៉ុន្តែគេក៏អាចនឹងដឹងផ្ទៃក្នុងយើង ពិសេសគោលដៅធំវែងឆ្ងាយរបស់យើង ព្រោះថា ផែនការយុទ្ធសាស្ត្រ គឺជាផែនការមេ និងធំ ព្រមទាំងមានរយៈពេលវែងផងដែរ។
ព័ត៌មានពីគ្រប់ផ្នែកសំខាន់ៗ
សូមបង្ហាញសេចក្តីព្រាងដំបូងទៅកាន់ក្រុមប្រឹក្សាភិបាល ឬ ថ្នាក់ដឹកនាំជាន់ខ្ពស់ដើម្បីទទួលបានការយល់ព្រម និងធ្វើឲ្យប្រាកដថាពួកគេមានអារម្មណ៍ចង់ចូលរួមតាំងពីដំបូងនៅក្នុងដំណើរការនេះ។
ត្រូវប្រាកដថា និយោជិតសំខាន់ៗនឹងចូលរួមគិត ព្រោះបើផ្នែកប្រតិបត្តិមិនយល់អំពីយុទ្ធសាស្ត្រ និងផែនការមេ ដំណើរការសកម្មភាពពិត នឹងថយលទ្ធផលចុះ។
ចូរព្រាងផែនការដោយបញ្ចូលខ្លឹមសារដូចខាងក្រោម៖
១. សេចក្តីសង្ខេប
ចំណុចនេះ គឺចង់ឲ្យអ្នកអានយល់ច្បាស់ពីបេសកកម្មរបស់ក្រុមហ៊ុន គុណតម្លៃនៃសេវាកម្មនិងយុទ្ធសាស្ត្រសំខាន់ៗដើម្បីឈានដល់គោលដៅ។ ផែនការនេះគួរតែជាផែនការកំពូល ដែលមិនផ្ដល់ព័ត៌មានលម្អិតច្រើនពេកទេ វាសម្រាប់តែកាត់យល់ក្នុងចំណោមមេដឹកនាំធំៗ។
២. ទំព័រហត្ថលេខា
ជាធម្មតាទំព័រនេះរួមបញ្ចូលហត្ថលេខាយល់ព្រមពីក្រុមក្រុមប្រឹក្សាភិបាល ឬ ថ្នាក់ដឹកនាំជាន់ខ្ពស់នានាដែលបានចូលរួមបង្កើត និងការប្តេជ្ញាចិត្តរបស់ពួកគេចំពោះផែនការយុទ្ធសាស្ត្រ។
ការពិពណ៌នារបស់ក្រុមហ៊ុន គូសបញ្ជាក់ពីប្រវត្តិផលិតផល និងសេវាកម្មនិងស្នាដៃរបស់ក្រុមហ៊ុនច្បាស់លាស់។
២. បេសកកម្ម ចក្ខុវិស័យ
បេសកកម្មគួរតែពិពណ៌នាអំពីអ្វីដែលក្រុមហ៊ុនកំពុងធ្វើ។ ចក្ខុវិស័យក៏បង្ហាញពីអ្វីដែលក្រុមហ៊ុនកំពុងធ្វើ។ ឧទាហរណ៍ការងារជាក្រុម មានភាពស្មោះត្រង់និងការផ្តោតអារម្មណ៍លើការផ្លាស់ប្តូររបៀបរស់នៅរបស់អតិថិជនឱ្យមានគុណភាព។
៣. ការវិភាគយុទ្ធសាស្ត្រ
ផ្នែកនេះផ្តល់ជូនអ្នកអាននូវទិដ្ឋភាពទូទៅនៃចំណុចខ្លាំង ចំណុចខ្សោយ ឱកាសនិងការគំរាមកំហែង (វិភាគSWOT) ដែលជាគំនិតល្អក្នុងការបង្ហាញសម្ភារៈជាការវិភាគផ្ទៃក្នុងនិងការវិភាគបរិយាកាសខាងក្រៅ។ ត្រូវប្រាកដថា អ្នកកំណត់ឲ្យបានច្បាស់នូវបញ្ហាដែលចង់ដោះស្រាយ។
៤. ផែនការសកម្មភាព
ក្នុងរាល់ផែនការយុទ្ធសាស្ត្រតែងភ្ជាប់មកជាមួយនូវផែនការសកម្មភាពបង្ហាញពីទំនួលខុសត្រូវនិងពេលវេលា ថវិកាព្រមជាមួយលទ្ធផលរំពឹងទុក។
៥. ថវិកា និងផែនការប្រតិបត្តិការ
បង្ហាញផែនការថវិការបស់ជាមួយព័ត៌មានលម្អិត អំពីធនធាននិងថវិកាដែលត្រូវការ ដើម្បីសម្រេចបាននូវគោលដៅយុទ្ធសាស្ត្រនោះ។ ផែនការប្រតិបត្តិការនេហនឹងពិពណ៌នាអំពីគោលដៅព្រមជាមួយសកម្មភាពក្នុងឆ្នាំសារពើពន្ធខាងមុខនេះ។
៦. ការត្រួតពិនិត្យ និងវាយតម្លៃ
លក្ខណៈវិនិច្ឆ័យលំអិតសម្រាប់ការត្រួតពិនិត្យ និងវាយតម្លៃ (M and E) ប៉ុន្មានខែម្តង ត្រូវប្រាកដថា អ្នកកំណត់ការទទួលខុសត្រូវ និងដំណើរការជាប្រព័ន្ធសម្រាប់វាស់វឌ្ឍនភាពនៃគម្រោង គួរបន្ត ឬ កែប្រែ?
៧. ការទំនាក់ទំនងដើម្បីសម្រេចផែនការ
ចូររៀបរាប់ពីវិធីដែលគ្រប់គ្នាអាចនឹងទាក់ទងទៅរកពាក់ព័ន្ធសំខាន់ៗដូចជា អតិថិជន កម្មវិឌីព្រឹត្តិការណ៍ជាមួយពួកគេ និងការទាក់ទងអាជ្ញាធរ អ្នកជំនាញ ។ល។
ជាទូទៅ ពេលធ្វើផែនការយុទ្ធសាស្ត្រ គេនិយមចេញទៅធ្វើនៅក្រៅក្រុមហ៊ុន នៅឆ្ងាយៗស្ងប់ស្ងាត់ជាមួយបុគ្គលិកបង្គោលមួយក្រុមៗ។ ក្រុមប្រឹក្សាភិបាល និងនិយោជិត គួរតែទទួលបានច្បាប់ចម្លង ដើម្បីជួយធានាដល់ការដឹងច្បាស់ពីអ្វីដែលបានរំពឹងទុកពីថ្នាក់លើ និងក្រុមហ៊ុនទាំងមូល។
រៀបចំការប្រជុំបុគ្គលិក ឬ វេទិកា ដើម្បីបង្ហាញពីផែនការយុទ្ធសាស្ត្រទាក់ទងទល់មុខ តែងតែមានប្រសិទ្ធភាពជាង និងអនុញ្ញាតឱ្យមានមតិយោបល់ពិភាក្សា។
អត្ថបទទាក់ទង